HELLO!!

Kasarap sanang matulog ngayon,malamig kasi dahil paambon-ambon kanina pang umaga pero ewan ko ba kung bakit ayaw akong dalawin ng antok,Siguro hindi lang ako nasanay.Ito kasing mga katabi ko mga natutulog na pero ako heto nangangalutkot pa sa computer at nagpapraktis mag blog...Blog na nga kaya ito? Kung blog man to gusto kong mabasa ng iba hindi naman para maging ksp o kulang sa pansin,gusto ko lang maexperience yung mabasa ng iba yung blog kong ginawa.Ako nga pala si Tokne at kilala ako sa pangalang lorie dito sa Royce sa Cabanatuan. 8 years na magbuhat ng ako'y magpakasal sa pinakamamahal kong si Nick pero hanggang ngayon wala pa kaming anak.Dati panay ang pacheck-up ko.Dalawang beses na nga akong nakunan at magbuhat non parang tinabangan na akong magpatingin pa sa doktor...Natatakot kasi ako sa sasabihin nila.Ayokong tanggapin na hindi ako magkakaanak dahil iyon ang makapagpapatigil ng mundo ko.Gusto kong isipin at itanim dito sa isipan kong binabalot ng agam-agam na isang araw magkakaroon din kami ng mga anak..Nalulungkot ako sa mga taong madalas magbiro na "mahina"daw kaming bumuo...hindi lang kasi nila alam ang sakit ng loob na idinudulot nito sa akin.Gusto ko nga silang tadyakan,batukan at sampalin ng pagkalakas-lakas dahil baka sakaling maramdaman nila maski ang katiting na sakit na nararamdaman ko habang pinagpipiyestahin nilang pagbiruan ang kakulangan ko bilang babae.Hindi kasi nila dinadanas ang pinagdadaanan ko.Sa bawat gabi bago ko ipikit ang mata ko kailanma'y hindi ko nalimutang ibulong sa panginoon ang natatangi kong dasal.Siguro mahaba lang ang pila kaya kailangan ko pang maghintay ng aking pagkakataon.Madaming beses ko na ngang sinisisi ang Diyos kung bakit tila hindi niya madinig ang mga dasal ko pero paulit-ulit ko na ding pinagagalitan ang sarili ko kung bakit napakawalangkwenta ko para sisihin ang Diyos.Hindi pa ako magpasalamat dahil heto ako ngayon sa malamig na lugar na ito habang ang iba'y hirap sa kanilang buhay...Hindi ko lang kasi maiwasang magdamdam sa twing nakakakita ako ng mga bata sa lansangan,mga batang sabik sa aruga ng magulang.Madalas tuloy akong napapatingala sa itaas at naitatanong kong sana'y sa aking sinapupunan na lang niya inilagay habang fetus ang mga batang yun de sana ay walang batang kalye na pagala-gala sa maduming daanang iyon.Madaming hiwaga ang buhay,madaming bakit madaming tanong pero sa dulo niyon isa lang ang nakakaalam iyon ay ang Panginoon....

SENTI LANG ULET

NAKAKAMISS YUNG MGA TIMES NA PARANG ANG SIMPLE AT ANG DALI NG BUHAY,NAAALALA KO PA NUNG MABATA-BATA PA AKO WALANG GANUNG HASSLE WALANG GANUNG MGA AMBISYON NA NAGPAPAGULO SA ISIPAN KONG NGAYON AY SAMOT-SARING MGA BAGAY ANG INIISIP...MINSAN NGA PARANG HINDI KO NA DIN ALAM KUNG ANO BA TALAGA ANG GUSTO KO SA BUHAY,BAKIT PARANG PALAGI AKONG NAGMAMADALI AT NAGHAHABOL SA BAGAY NA HINDI KO ALAM.MARAHIL AY SA SOBRANG DAMI NA DING MGA BAGAY NA IBINIBIGAY NG MUNDO NATIN NGAYON.YUN BANG MGA BAGAY NA NUONG MGA BATA PA TAYO AY PARANG PANGARAP LANG PERO NGAYONNG GROWN-UP NA TAYO AY PANAHON NA PARA MAKUHA NATIN ANG MGA ITO EKA NGA ETO NA YUNG PAGKAKATAON.NAGSASALIMBAYAN ANG MGA PANGARAP AT AMBISYON DITO AT DOON,KAPAG NAKUHA YUNG ISA MERON NA NAMANG BAGO NA KAILANGANG PAGSUMIKAPAN PERO SA LAHAT NG ITO ISA LANG NAMAN ANG MALINAW SA AKIN.ISANG BAGAY LANG ANG NATITIYAK KONG NAGPAPASAYA SA AKIN SA KABILA NG MGA BAGAY-BAGAY NA NANGYAYARI SA PALIGID KO.IYON AY ANG PASASALAMAT SA PANGINOON DAHIL MAYROON AKO NG MGA BIYAYANG ITO,HAYAAN NIYONG BANGGITIN AT IBAHAGI ANG MGA ITO:

1. MAPAGMAHAL NA ASAWA NA WALANG SAWANG UMUUNAWA AT NAGPAPARAMDAM SA AKIN NA AKO AY MAHALAGA.YUN BANG MATIYAGANG NAGPAPASENSYA SA MGA KAKULITAN KO AT PAGPIFEELING "BATA' KO KUNG MINSAN.MATIYAGANG NAKIKINIG SA MGA KWENTO HANGGANG SA ABUTIN KAMI NG MADALING ARAW AT HIGIT SA LAHAT NANDIYAN SIYA PARA IBANGON AKO SA TUWING AKO'Y NADARAPA.(MADULAS KASI ANG SAHIG NAMIN EH HEHEHE) KIDDING ASIDE,YUN BANG KAPAG ME PROBLEMA KO PERSONAL MAN O SA CARREER SIYA YUNG PALAGING NAGPAPAUNAWA SA AKIN SA KAGANDAHAN AT KASIMPLEHAN NG BUHAY ANUMAN ANG SA TINGIN KO'Y PANGIT NA NANGYAYARI SA AKIN.

2. MAUNAWAING KAPATID- SIGURO MASASABI KO NA SIYA NA YUNG PINAKAPABORITO KONG KAPATID SA BALAT NG SICSICAN(SIYA LANG NAMAN KASI ANG KAPATID KO 2 LANG KAMI,IYON ANG PAGKAKAALAM KO SA NGAYON).NAGPAPASALAMAT AKO SA DIYOS DAHIL BINIGYAN NIYA AKO NG KAPATID NA MAS TOUGH KAYSA SA AKIN.YUN BANG TIPONG LAGING HANDANG MAGBIGAY BUHAY SA AKIN KAPAG PINANGHIHINAAN AKO NG LOOB...ISTRIKTA SIYA SA UNANG TINGIN,PERO KAPAG NADISKUBRE NYO ANG TUNAY NIYANG PAGKATAO AY HAHANGAAN NIYO SIYA NG LUBUSAN.MAPAGTIIS,MAPAGMAHAL AT MAPAGPASENSYA YAN ANG MGA NATATAGO NYANG KATANGIAN.PERO HUWAG KANG LOLOKO-LOKO AT TYAK DE KALIBRE ANG MAKAKALABAN MO,BALIKTAD NGA EH AKO ANG PANGANAY PERO PARANG AKO ANG NAGIGING BUNSO KAPAG MAGKASAMA KAMI.HINDI KAMI GAANONG CLOSE DATI PA PERO SIMULA NG MANGYARI SA AMIN GAGA-IPO-IPONG PROBLEMA DON KAMI PINAGLAPIT NG HUSTO NG PANGINOON.AKALA KO DAHIL SA MADAMI KAMING RELATIVES NA PINSAN-PINSAN EH MAY MATATAKBUHAN AKO AGAD AT MINSAN NAOOVERLOOK KO ANG SISTER KO PERO DUMATING YUNG TIME NA NAREALIZE KO NA "HELLO,KAMI LANG PALA ANG MAGKASANGGA"(PERO SIYEMPRE KASAMA NA RIN DON YUNG MGA SUPER TITA AT TITO NAMIN..)

3. MASASAYANG KAIBIGAN SA ROYCE MOTORS-HETO ANG MGA SUPER FRIENDS KO,ANG DAMI NILA...SILA YUNG NAGPAPAINSPIRE SA AKIN PALAGI PARA PUMASOK SA OFFICE.KAPAG KASAMA KO SILA PAKIRAMDAM KO ANG LAKI NG PAMILYA KO.MASARAP TUMAWA KAPAG SAMA-SAMA KAMI.YUN BANG KAHIT KAKAPURIT(OTHER MEANING:KAKAUNTI) NA PAGKAIN E PINAGSASALUHAN AT HAPPY NA KAHIT HINDI GAANONG BUSOG BASTA NAKAPAGSHARE SHARE LANG...MADAMI DING OKRAYAN MINSAN PERO HANGGANG DUN LANG YUN BASTA SA PUSO'T ISIPAN NAMIN AY ALAM NAMING TRABAHO LANG IYON.

4. MABABAIT NA IN LAWS- KALAKIP NG PASASALAMAT KO SA DIYOS SA PAGBIBIGAY NIYA SA AKIN NG MABUTING ASAWA AY ANG PAGKAKAROON NG MABUTING BYENAN AT MGA HIPAG,BAYAW AT BILAS KABILANG NA RIN DITO ANG MGA PAMANGKIN.MABUTI SILA SA AKIN AT SA KANILA KO RIN NARAMDAMAN KUNG PAANO MAGMALASAKIT SA KAPAMILYA.MAGDESISYON AT MAGTIYAGA SA BUHAY.PINAGPAPASALAMATAN KO SA MGA IN-LAWS KO KUNG PAANO NILA PINALAKING MABUTING TAO ANG MISTER KO AT NATUTUWA AKO KUNG PAANO SILA MAGPASUNURAN AT MAGUNAWAAN.OO NGAT MADAMI DING HINDI PAGKAKAUNAWAAN KUNG MINSAN PERO MAAYOS NAMANG NARERESOLBAHAN....PALAGI SILANG NAKASAKLOLO ANOMAN ANG MGA PAGKUKULANG NAMEN AT PALAGI KAMING NAKAKATANGGAP NG MGA FOODS SA TUWING RUSH HOUR NA (HEHEHE).

5. PAGKAKAROON NG PAMANGKIN NA TULAD NI MOK-MOK- OF COURSE,HINDI ITO MAWAWALA SA LISTAHAN KO,KAPAG NAMIMISS KO YUNG ONLY BROTHER KO(NASA HEAVEN NA SIYA NGAYON...) YAYAKAPIN KO LANG ANG MAKULIT KONG PAMANGKIN AT NAWAWALA NA LAHAT NG LUNGKOT KO LALO NA KAPAG NAGLALAMBING SIYA,WOW! ANG SARAP NG FEELINGS...

6. MGA TITO AT TITA KO: SUPER BONUS POINTS NAMIN ITO KAY JESUS DAHIL NUNG KUHANIN NIYA SA AMIN SI NANAY(NANAY PAST AWAY ON MAY 20,2007) BINIGYAN NIYA KAMI NG MGA PART-TIME MOMS AND DADS NA SUPER TO THE RESCUE KAPAG KAILANGAN NAMIN SILA..PATULOY NILANG IPINAPARAMDAM NA KUMPLETO PA RIN ANG AMING PAGKATAO KAHIT WALA NA SI NANAY SA AMIN.

ITUTULOY KO NA NGA LANG TO SUPER DAMI KO PA KASING DAPAT ITHANK YOU EH HEHEHE

MAHIRAP ANG WALANG NANAY

MIss ko na si Nanay…Ang hirap pala talaga kapag wala na siya.Parang kailan lang siya ang number one fan ko ngayon wala na magbuhat ng inagaw siya ng walang awang sakit na kanser sa amin.Naalala ko pa nung mga panahon na nakikipaglaban kami sa makadurog pusong sakit na yun.Ang bawat araw namin ay puno ng pagtitiis at pasasalamat.Pagtitiis sa maghapong pagpipigil ng aming mga damdaming nagnanais sumigaw habang wala kaming magawa sa tuwing naghihirap ang pinakamahalagang bahagi ng aming tahanan at Pasasalamat dahil isang araw na naman ang lumipas at napagtiyagaan namin ang nakakalunos na dagok ng buhay.Mahirap makipaglaban sa sakit na iyon walang katapat kundi ang taos sa pusong pananalangin. Ginugol namin nila nanay ang mga huling oras nya na punong-puno ng pagtitiwala sa Diyos.Alam namin at inaasahan naming darating sa punto na matutuldukan ang kanyang buhay.Akala nami’y handa na kaming tanggaping wala na kaming nanay pero kakaiba pala sa reyalidad…Hindi kami preparado,madaming besese at paulit-ulit kaming dinadaing ng aming emosyon lalo pa’t pag nakakakita kami o nakakarinig ng mga may sakit ding katulad ng kay Nanay na pinagmilagruhan daw at kapgdakay gumaling..Naitatanong ko sa sulok ng aking isip”Ano kayang dasal ang ginawa nila at sila’y pinakinggan subalit kami ay tinanggihan” Ayoko sanang kuwestiyunin ang mga ganung eksena at pinipilit kong tanggapin na siguro hanggang doon na lang si Nanay pero madaming beses akong tinatalo ng damdamin ko.Ganito pala ang pakiramdam ng walang nanay,Ang hirap,nakakalungkot at nakakaiyak kaya nga sana yung may mga nanay pa,pakamahalin ninyo ng husto ang nyong mga mother at madalas nyo silang yakapin dahil yun ang mga bagay na gustong-gusto kong gawin ngayon subalit walang pagkakataon…

"KAY POONG NAZARENO"

PARA SA POONG NAZARENO

Sa Poong Nazareno

May dalangin ang puso,

Ngayong kaarawan mo,

Madinig sana akong nagsusumamo.

Ikaw nawa’y maging daan,

Upang ang dasal ko ay makamtan,

Ang aking sinapupunan,

Iyo nawang pakinggan.

Nasasabik itong malamnan,

Ng sanggol na inaabangan,

Malusog nawa siya aming Poon,

Malayo sa panganib doon.

Nagsusumamo kami Ama,

Makamit na ang dalangin noon pa,

Dinggin mo po na sana,

Iyong tugunin ang dasal naming dalawa.

Tiwala ang puso na ikaw ay tutugon,

Aasa at mananalig ng lubos,

Pagkat may habag ka,

Maawain naming Diyos….

isang tula sa pista ng POONG NAZARENO January 09

SALAMAT...

Ang mga biyaya mo ay tunay na kakaiba
Ligaya ng Puso ko tila pambihira,
Sa kabila ng pinagdaraanan kong ito,
Tila biglang sumigla ang mundo ko.
Salamat sa ginawa mong pag-akay,
Sa Pag-ibig mong sa amin ay inialay,
Salamat, sa gitna ng kawalan,
Ipinaramdam mong ikaw ay nariyan.
Ngayo’y walang pag-aalinlangan,
Ang puso kong itong nabalot ng karimlan,
Liwanag ang dulot mo sa isip na naguguluhan
Sa gitna ng unos hindi ka nangiwan.
Pagkukulang ko sana’y patawarin mo,
At kung sa iyo man ay nakalimot ako,
Ipaalala sanang ako’y mahal mo.
Kung anoman ang sa aki’y nais,
Mangyari nawa ito ng landas ko’y di malihis,
Sapagkat Ikaw ang may alam,
At sa buhay ko ay siyang tanglaw.
para kay jesus 12.11.06

AN OPEN LETTER FOR MY HUBBY

MAHAL TENKS SA SAMAHAN NATIN,SALAMAT SA PAGTITIYAGA MO SA MISIS MONG SUPER TABA HEHEHE AT SA MALAWAK MONG IMAHINASYON SA KAKAISIP MO NA AKO SI ARA MINA NG BUHAY MO…KIDDING ASIDE,THANKS TALAGA DAHIL ARAW-ARAW MONG PINAPAKULAY ANG BUHAY KO.MAY GREEN,MAY RED,MAY WHITE PERO WALANG BLUE..NAGPAPASALAMAT NGA AKO KAY BRO(JESUS) KASI SA HINABA-HABA NG PILA NG MGA MANLILIGAW KO EH IKAW ANG NAPILI KO.TAMA ANG NAGING DESISYON KO TALAGA PALANG SWEET KA AT MAPAGMAHAL..SANA NGA MABIGYAN NA KITA NG BABY PARA NAMAN MERON NG MAGING BUNGA ANG MATAMIS NATING PAG-IIBIGAN,NAKAKAINIP NA NGA DIN PERO SABI MO NGA DARATING DIN YON KAYA PANATAG NAMAN AKONG NAG-IINTAY DAHIL ALAM KONG IBIBIGAY DIN NI BRO SA ATIN YUN.SALAMAT NGA PALA SA PAGAPPRECIATE MO SA MGA GINAGAWA KO YUNG PAGPURI-PURI MO SA MGA LUTO KO KAHIT NA ALAM KON DEHINS NAMAN MASARAP EH SINASABI MONG MASARAP.(NABISTO NA KITA,KASI SINABI NI NINONG NAIKWENTO MO SA KANYA NA IKAW LANG ANG NASASARAPAN SA LUTO KO HEHEHE).TSAKA NGA PALA MAHAL TENKS SA PALAGI MONG PAGBIBIGAY SA AKIN NG TIME KAPAG INAABOT TAYO NG HATING GABI SA PAGKUKWENTUHAN…ALAM MO BANG YUN ANG NAGPAPASAYA SA AKIN KASI NGA ANG SARAP-SARAP NG FEELINGS KO KAPAG GANUN…SANA MAHAL WAG KANG MAGBABAGO HANE,SANA KAHIT SA PAGTANDA NATIN EH GANYAN KA PA DIN.I LOVE YOU AT DI MAGBABAGO YUN.

MISSING YOU,"KO-IS"

MAGDADALAWANG TAON TAON KA NA RIN PALANG WALA DITO,PARANG KAYLAN LANG DI KITA HALOS MAPANSIN,PERO NGAYON NASASABI KO SA SARILI KO NA SANA AY NANDITO KA.NASASABIK AKONG MAKAKWENTUHAN KA AT KAHIT PAANO’Y MAPAGHINGAHAN KO NG MGA KADRAMAHAN KO…ALAM MO BANG SA TUWING MAY MANGYAYARING MAGANDA SA BUHAY NAMIN EH IKAW ANG UNA KONG NAALALA KASI WALA KA DITO PARA MAKIBAHAGI SA KASIYAHAN NAMIN.SIGURO KUNG ANDITO KA NGAYON MATUTUWA KA KASI NATUTUPAD NA YUNG ILAN SA MGA PANGARAP KO…AKALA KO NGA HINDI KITA MAMIMISS NG KATULAD NITO KASI KADAMI DIN NATING PINAGTATALUNAN NUON.IBA KASI ANG GUSTO MO TALIWAS SA MGA GUSTO NAMIN NUON…PASENSYA KA NA KUNG DI KA NAMIN NAIINTINDIHAN AT DI NAMIN MASAKYAN ANG MGA GUSTO MO…PILIT NAMING IGINIIT ANG MGA OPINYONG SA AKALA NAMI’Y MAKABUBUTI PARA SA YO.GANUN PALA KAPAG NAGMAMAHAL LAHAT NG GUSTO NAMIN YUNG MAKABUBUTI SA YO.ALAM KO MATAGAL MUNANG KINALIMUTAN YUN AT NANINIWALA AKONG SA AMI’Y DI KA NAGTATAMPO..MADALAS KANG MAGPAALAM NUON,MARAMI KANG KINUKWENTO TUNGKOL DYAN SA PINAKIKIPAGLABAN MONG KARAMDAMAN AT SA TUWING MAGPAPAALAM KA SA AKIN AY PALAGI AKONG NAGAGALIT AT NASASABI KONG PRANING KA LANG.NATATAKOT KASI AKO NA BAKA ISANG ARAW BIGLA KA NALANG UMALIS,AYOKONG AMININ SA SARILI KO NA TUTUO YANG PAGPAPAALAM MO.HANGGANG ISANG ARAW BIGLA MO NA LANG KAMING GINULAT.ANG GALING MONG TUMYEMPO SA BISIG KA NI LANIE TULUYANG NAGPAALAM..MADAMI KASI KAYONG TAMPUHAN NON PERO MADALAS MONG MAIKWENTO SA AKIN NA GINAGAWA MO LANG NAMAN IYON DAHIL NGA GUSTO MONG MAINIS SYA SAYO PARA PAG UMALIS KA DI NYA GAANONG MARAMDAMAN NA WALA KA..ALAM KONG BAGO KA UMALIS HININTAY MONG MADINIG KAY LANIE NA MAHAL KA NIYA,ALAM KONG NADINIG MO YUN BAGO KA UMALIS AT SINADYA MONG WALA AKO DAHIL ALAM MONG NERBIYOSA AKO AT BAKA HINDI KO MAKAYANANG MAKITA KA SA GANONG KALAGAYAN…SALAMAT DAHIL TAMA KA HINDI KO KAYANG SAKSIHAN KUNG GAANO KAHIRAP ANG PINAGDAANAN MO BAGO KA UMALIS.ANG GUSTO KO LANG ANG PALAGI KONG MAALA-LA EH YUNG MAKISIG MONG KATAWAN YUNG MALUSOG AT WALANG SAKIT…ALAM MO BANG ISA SA PINAKAMASAYANG ALA-ALA NG PAGKABATA KO AY YUNG NUNG MAGKASAMA TAYONG NANGANGAMATSILE SA TABI NG KULUNGAN NG BABOY NILA INANG ERLENG.TAGASUNGKIT AKO AT IKAW ANG DAKILANG TAGAPULOT NG MGA PUTOK AT MATATABANG KAMATSILENG NASUSUNGKIT KO..PALAGI KANG NAKABUNTOT SA AKIN NA PARA BANG ANINO KO.NAASAR NGA DIN AKO DAHIL PALAGI AKONG BITIN SA PAGLALARO KAPAG KASAMA KITA.HINDI KA KASI MAKATAKBO NG MATULIN TULAD KO..ANG SARAP BALIKAN NG MGA EKSENANG TULAD NON…PARANG KAILAN LANG IKAW ANG INAALAGAAN KO NGAYON HETO NA ANG ANAK MO AT KOPYANG=KOPYA ANG MGA STYLE MO NUON YUN NGALANG MALIKSI SIYA KUNG IKUKUMPARA SA YO PERO HINDI MAIKAKAILANG GALING SIYA SAYO..SA TWING NAIINIP KAMI AT NAALALA KA NAMIN YAYAKAPIN LANG NAMIN ANG ANAK MO AT PARANG NANDITO KA NA DIN…MARAMI NG TANONG KUNG MINSAN NGA NAHIHIRAPAN NA RIN KAMING MAGPALIWANAG KAPAG TINATANONG NYA KUNG KAILAN KA BABALIK,PAANO KA DAW MAKAKABABA DYAN EH ANG TAAS-TAAS DAW NG LANGIT,MAHABA DAW SIGURO ANG HAGDANANG GAGAMITIN MO. IKAW ANG GUSTO NYANG PAGKWENTUHAN NAMIN PALAGI.KUNG PAANO KA MAGLARO,KUNG PAANO KA MANGHULI NG GAGAMBA AT KUNG MATAPANG KA DAW BA..SYEMPRE NAMAN EXAGGERATED ANG AKING MGA SAGOT SINASABI KUNG OO MATAPANG KA…TAMA NAMAN AKO HINDI BA?BUONG TAPANG MONG HINARAP ANG MGA KIROT DYAN SA PUSO MO,IBANG KLASE DIN ANG TINIIS MO TOL ALAM KO YUN PERO MADALANG KANG MAGREKLAMO.BILIB NGA AKO SA YO DAHIL PINAGSUMIKAPAN MONG IWANAN KAMI NG ALA-ALA MONG KAILANMA’Y HINDI NAMIN MAKAKALIMUTAN AT SA TWING IKA’Y AMING KASASABIKAN SIYA LANG ANG AMING TITINGNAN AT MAPAPAWI NA ANG AMING KALUNGKUTAN…PANO TOL BYE NA MUNA TILL NEXT TIME.NAMISS LANG KASI KITA… I LOVE YOU!!!KAMUSTA MO NALANG KAMI KAY NANAY…P.S. NAIBULONG MUNA BA KAY JESUS YUNG BILIN KO?

BY:TOKNENENE